ਆ ਦਿਲਬਰ ਹੁਣ ਆਪਾਂ ਹਮਸਫ਼ਰ ਹੋ ਜਾਈਏ,
ਇਸ ਨਾਪਾਕ ਦੁਨਿਆ ਤੋਂ ਬੇਖ਼ਬਰ ਹੋ ਜਾਈਏ।
ਹਿਜਰਾਂ 'ਚ ਧੁੱਖਦੀ ਇਹ ਜ਼ਰਦ ਖਿਜ਼ਾ ਵਿਚ,
ਵਸਲਾਂ ਦਾ ਹਰਾ ਭਰਾ ਇੱਕ ਸ਼ਜਰ ਹੋ ਜਾਈਏ।
ਜਾਂ ਤਾਂ ਮਿਲੇ ਸ਼ਾਦਾਬ ਕਿਨਾਰਾ ਦਿਲਾਂ ਨੂੰ,
ਨਹੀ ਸੋਚਾਂ ਨਾਲ ਘਿਰਿਆ ਭੰਵਰ ਹੋ ਜਾਈਏ।
ਹੀ ਜਾਈਏ ਮੰਜ਼ਿਲ ਆਪਾਂ ਇੱਕ ਦੂਜੇ ਦੀ, ਜਾਂ,
ਕਦੇ ਨਾ ਮੁਕਦੀ ਪੰਧ ਦਾ ਸਫ਼ਰ ਹੋ ਜਾਈਏ ।
ਵਸਲ ਦੀ ਪਿਆਸ ਨਾ ਤੋੜੇ ਹੌਂਸਲਾ ਜੋ,
ਕਰਬਲਾ ਦੇ “ਹੁਸੈਨ” ਜਿਹਾ ਸਬਰ ਹੋ ਜਾਈਏ।
ਗੁਰਲਾਭ ਸਿੰਘ 09501101693
ਖਿਜ਼ਾ- ਪਤਝੜ, ਸ਼ਜਰ- ਰੁੱਖ, ਹਿਜਰਾਂ- ਜੁਦਾਈ
ਸ਼ਾਦਾਬ- ਤਾਜ਼ਾ ਪੰਧ- ਰਸਤਾ,ਵਸਲ- ਮਿਲਾਪ
only zauf.........
ReplyDelete