ਰਿੰਕੂ ਸੈਣੀ

ਉਹਨਾਂ ਨੂੰ ਹੀ ਮੁਬਾਰਕ

ਤੰਨ ਤੰਨ ਢਕਣ ਨੂੰ ਕੱਪੜਾ,
 ਤੇ ਰਹਿਣ ਛੱਤ ਨਹੀਂ,
 ਦੁਨੀਆਂ ਤੋਂ ਛੁਪਿਆ,
 ਗਰੀਬੀ ਦਾ ਇਹ ਸੱਚ ਨਹੀਂ,
 ਜਿੰਨਾਂ ਕੋਲ਼ ਗਰੀਬ ਨੂੰ ਕਹਿਣ ਲਈ ਬਸ ਸੋਰੀ ਹੈ ਸੱਜਣਾ,
 ਉਹਨਾਂ ਨੂੰ ਹੀ ਮੁਬਾਰਕ ਇਹ ਲੋਹੜੀ ਹੈ ਸੱਜਣਾ…
 ਦੂੱਜਿਆ ਦਾ ਘਰ ਢਾਹ,
 ਆਪਣੇ ਬੰਗਲੇ ਉਸਾਰ ਲਏ,
 ਬੰਦੇ ਦੀ ਜਿੰਦਗੀ ਤੋਂ ਮਹਿੰਗੇ,
 ਕੁੱਤੇ ਘਰਾਂ 'ਚ ਜਿੰਨਾਂ ਪਾਲ ਲਏ,
 ਪੈਸਾ ਰੱਖਣ ਲਈ ਵੀ,
 ਜਿੰਨਾਂ ਕੋਲ ਜਮੀਨ ਥੌੜੀ ਹੈ ਸੱਜਣਾ ,
 ਉਹਨਾਂ ਨੂੰ ਹੀ ਮੁਬਾਰਕ ਇਹ ਲੋਹੜੀ ਹੈ ਸੱਜਣਾ
 ਅਣਜੰਮੀਆਂ ਧੀਆਂ ਦੇ ਹੱਡ,
 ਕੁੱਤਿਆਂ ਨੇ ਨੋਚ ਖਾਧੇ ,
 ਪੁੱਤਾਂ ਦੀਆਂ ਖੁਸ਼ੀਆਂ ਵਿੱਚ,
 ਘਰ ਬੁਲਾਏ ਜਿੰਨਾਂ ਨੇ ਬੈਂਡ ਬਾਜੇ,
 ਪੁੱਤ ਜੰਨਮੇ ਤੇ ਜਿੰਨਾਂ ਦੀ ਛਾਤੀ ਹੁੰਦੀ ਚੋੜੀ ਹੈ ਸੱਜਣਾ,
 ਉਹਨਾਂ ਨੂੰ ਹੀ ਮੁਬਾਰਕ ਇਹ ਲੋਹੜੀ ਹੈ ਸੱਜਣਾ

ਰਿੰਕੂ ਸੈਣੀ,ਫਰੀਦਕੋਟ